Septemba 26, 2012.
Kipindi maarufu cha “Hyped East Africa Show” kinachorusha na kupitia king'amuzi cha Zuku Pay TV, wiki hii kinatarajia kumleta DJ Nijo kupiga show kali kwenye kumbi maarufu jijini Dar es Salam. Dj Nijo na msaidizi wake Dada Amani wanatarajiwa Dar es Salaam Alhamisi ya wiki hii.
Akizungumza na waandishi wa habari, mmoja wa waratibu wa ujio huo, hapa nchini Shella Njeri, alisema kuwa DJ Nijo atapiga kumbi mbili maarufu za Sun Ciro na Nyumbani Lounge kwa kupiga show ya aina yake ambapo pia kutakuwa na zuria maalumu la wangeni and watu maarufu kupita humo.
“Ijumaa hii ya Septemba 28, atawasha moto pale Sun Ciro, na siku inayofuata, Jumamosi, atamalizia show nyingine kwenye ukumbi wa Nyumbani Lounge, alisema Shella.
Pia aliendelea kusema kuwa kwenye show hizo, kutapambwa na ubora wa hali ya juu na wengi watasuuzika kwa kushuhudia shoo hiyo ambayo imekuwa ikiacha gumzo kila jiji anazopiga show DJ Nijo zikiwemo ndani ya Afrika Mashariki
DJ Nijo yuko kwenye ziara ya kupiga shoo kwenye klabu maarufu za miji mikubwa ndani ya Afrika Mashariki na vipindi vyote vya Hyped East Africa vinarushwa Zuku Afrika kila jumamosi saa 3:30 usiku.
Show ya “Hyped East Africa” imefanywa katika miji ya Malindi, Embu, Nairobi, Nyeri, Eldoret, Kisumu, Embu, na hivi karibuni vilabu vya ‘Anje Noir’ na ‘Cayenne’ jijini Kampala
No comments:
Post a Comment